16.7 C
Kigali
Monday, July 15, 2024

APR FC yasinyishije umukinnyi wo muri Ghana Richmond Lamptey imyaka 2

Must read

APR FC ikomeje kwitegura imikino ya CAF Champions League yatangaje ko yarangije ibiganiro n’abakinnyi babiri bakina mu kibuga hagati ari bo Seidu Dauda Yassif na Richmond Lamptey bombi bakomoka muri Ghana.

Amakuru ava muri  Ghana aremeza ko Lamptey aza kuba ari we mukinnyi uhembwa menshi ku kwezi muri APR FC, asanga miliyoni 7 FRW.
Lamptey yari amaze imyaka 3 akinira Asante Kotoko nubwo yagize imvune nyinshi yabaye inkingi ikomeye ubwo iyi kipe yatwaraga shampiyona ya 2021.
Uyu yari mu itsinda rya Ghana mu gikombe y’Afurika cyabereye muri Cote d’Ivoire.
Ibinyakakuru byo muri Ghana byanditse ko yaguzwe ibihumbi 150 $ arenga gato miliyoni 200 FRW.
Mu mikino 17 yakinnye muri shampiyona yatanzemo 5 yavuyemo ibitego.

Richmond Lamptey yari Kapiteni Wungirije wa Asante Kotoko yajemo mu 2021 agatwarana na yo Igikombe cya Shampiyona mu mwaka we wa mbere. Uyu wari umaze imyaka 10 akina muri Ghana bivugwa ko yahawe ibihumbi 150$ ngo yemere gusinyira APR FC mu gihe cy’imyaka ibiri, ari nako bizagenda kuri mugenzi we.

APR FC ikomeje kwitegura imikino ya CECAFA Kagame Cup, ikaba yanarangizanyije na myugariro Aliou Souane bivugwa ko na we yatanzweho arenga Miliyoni 150 Frw ngo yemere gusinyira iyi kipe y’Ingabo z’Igihugu cyane ko yifuzwaga na El Hilal yo muri Sudani.

More articles

LEAVE A REPLY

Please enter your comment!
Please enter your name here

Latest article